Мектептегі кәсіби қоғамдастық: «FLAME»
«Өзің лаула, өзгені жандыр»
Мақсаты: білім мен тәрбие құндылықтарын жоғары бағалайтын жаңашыл педагогтердің кәсіби білімдерін дамыта отырып, өзара тәжірибе алмасып, дамуына жағдай жасау
Жұмыс жасау қағидаттары: сенімділік, жауапкершілік, өзара қолдау, барлық мәселелерді бірлесіп шешу
Шығармашылық топтар:
- «Lesson study» шығармашылық тобы (жетекшісі Ш.Уйсимбаева)
- «CLIL» шығармашылық тобы (жетекшісі А.Базарбаева)
- «EХPERT» (жетекші Р.Сериккалиева)
- «Ізденіс» (жетекші Г.Хайрекеева)
- «Дарын зергерлері» (жетекші Э.Казиханова)
- «Педагогикалық рефлексия» (жетекші А.Ибрагимова)
«Lesson study» шығармашылық тобы (жетекшісі Ш.Уйсимбаева)
Топтың мақсаты: мұғалімнің кәсіби мүмкіндіктерін жетілдіруге бағытталған іс-шаралар, «сабақты зерттеу» жұмыстарын үйлесімді әрі тиімді ұйымдастыру.
Топтың міндеті: мұғалімдер бірлесіп жұмыс жасайды, сабақтарды бірге жоспарлайды, бір-бірінің сабақтарына қатысады және сабақ нәтижелерін бірге талдайды.
Күтілетін нәтиже: оқыту барысындағы проблемаларды шешу жолдарын қарастырады, мұғалімдер бірлесіп, ортақ проблеманы анықтап, білім сапасын арттыруда біріккен жұмыстарын жүргізеді.
«CLIL» шығармашылық тобы (жетекшісі А.Базарбаева)
Топтың мақсаты: Пәндік-тілдік кіріктірілген оқыту әдістемесі негізінде оқыту тәжірибесін жетілдіру.
Топтың міндеті: қатысушылардың тілдік құзыреттілігін арттыру, CLIL әдісі бойынша ағылшын тілінде жүргізу метапәндік байланыстарды қамтамасыз ету және жаңа білім беру стандарты принциптерін дамыту.
Күтілетін нәтиже: тіл мен пәнді қатар оқытуды жүзеге асырады, оқытудың жаңа әдіс-тәсілдерін игереді. Оқушыларға тілдік қарым-қатынас қажеттілігі мен мүмкіндіктерін пайдалану арқылы ана тілінде ойлануға жағдай жасалады.
«EХPERT» шығармашылық тобы (жетекші Р.Сериккалиева)
Топтың мақсаты: жаңартылған білім беру мазмұнына сай критериалды бағалауды жүзеге асыруды ұйымдастыру, бөлім және тоқсан бойынша жұмыстарын талапқа сай әзірлеу және сараптау.
Топтың міндеті: критериалды бағалауды жүзеге асыру жолдарын айқындау, сапалы нәтиже алуға бағытталған критерийлер әзірлеу, қалыптастырушы бағалаудың түрлі тәсілдері мен құралдарын қолдануды үйрету.
Күтілетін нәтиже: бағалау оқу бағдарламасындағы мақсаттар мен міндеттер, күтілетін нәтижелермен тікелей байланысты оқытудың ажырамас бір бөлігі екендігін мұғалімдермен талқылап, білім алушының жеке қасиеттарі емес, оқу іс-әрекетінің нәтижелері бағаланатынын түсінеді.
«Ізденіс» шығармашылық тобы (жетекші Г.Хайрекеева)
Топтың мақсаты: оқытудың тиімді әдіс-тәсілдерін жетілдіру, жаңа педагогикалық технологияларды меңгеру.
Топтың міндеті: түрлі заманауи әдіс-тәсілдермен мұғалімдердің педагогикалық қоржындарын толықтыру, үйрете отырып, үйрену, өзін-өзі жетілдіру қасиеттерін,
көшбасшылық қабілеттерін дамыту.
Күтілетін нәтиже: инновациялық әдіс-тәсілдер мен технологияларды оқу үдерісіне тиімді әрі нәтижелі енгізу арқылы оқушылардың қызығушылығы артады, танымдық белсенділіктері дамиды.
Өту мерзімі: тоқсанға екі рет
«Дарын зергерлері» шығармашылық тобы (жетекші Э.Казиханова)
Топтың мақсаты: оқушыларды пәндік олимпиада мен ғылыми зерттеуге дайындалу жолдары мен іздену әдістерін жетілдіру.
Топтың міндеті: зертеушілік жұмыс дағдыларын қалыптастыруға және өз интелектісін дамытуға талпынған оқушыларға жетекшілік жасайтын педагогтерге әдістемелік, педагогикалық көмек көрсету, бағыт беру, ғылыми ізденудің әдістерін оқыту, шығармашылық қабілеттерін дамыту.
Күтілетін нәтиже: дарынды оқушылардың бәсекеге қабілеттілігі артады, оқушылардың интеллектісі дамып, ғылыми зерттеуге қызығушылығы қалыптасады.
«Педагогикалық рефлексия» шығармашылық тобы (жетекші А.Ибрагимова)
Топтың мақсаты: мектептегі педагогикалық әрекеттердің нәтижелілігін бақылау, қолданған әдіс-тәсілдер мен құралдардың «тиімді» не «тиімсіз» болғанын байқап, өзіндік көзқарасын білдіру, орындалып өткен іс-әрекеттің нәтижесін зерттеу. Мұғалімдердің кәсіби құзыреттілігінің қалыптасуына,өз тәжірибесін және өзгерістердің тиімділігін байқай алатын рефлексиялаушы-практик қалыптастыру.
Топтың міндеті: түрлі заманауи әдіс-тәсілдермен қаруланған ұстаздардың рефлексиялық дағдыларын жетілдіру, өз тәжірибесіне сыни көзбен қарау, өз тәжірибесін ұдайы талдау, өзін-өзі реттеуге дағдылану, өзін-өзі басқару, өзін-өзі басқару, өзін-өзі жетілдіру секілді қасиеттерін дамыту.
Күтілетін нәтиже: рефлексиялық дағдыны жетілдіру арқылы, өзінің кәсіби дамуында күш-қуат пен ынтасының артқанын байқайды.Рефлекия –жақсы өмір сүрудің, өзіңді танудың тиімді жолы екенін ұғынады және өмірлік қағида ретінде ұстануға болатынын түсінеді.
