«ӨНЕР» МЕКТЕБІ

ӨНЕРЛІ ӨРЕНДЕР ОШАҒЫ

Ғасырдағы экономикалық және әлеуметтік ұмтылыстағы негізгі ерекше күш - адамдар, олардың ерік-жігері, табандылығы, білімі. Олай болса, алға қойған мақсаттарды орындау үшін еліміздегі ақылды, ойлы, дарынды жастарымыздың шығармашылық әлеуетін жан-жақты өсіру қажеттілігі туындайды. Дарынды балаларды бір орталыққа іріктеу, айқындау - белгілі бір баланың дамуына талдау жасаумен байланысты ұзақ үдеріс. Дарындылықты жеке бір әдіске сүйене отырып, анықтай қою мүмкін емес, дарынды балаларды іздеу - арнайы бағдарлама бойынша кезеңді түрде іздестіруді қажет ететін үдеріс.

Міне, осындай әр баланың бойындағы «ұйықтап жатқан» қабілеттерді жан-жақты ашу мақсатында үнемі ізденіп, шығармашылықпен жұмыстанатын орталықтың бірі - 1993 жылы Дарынды балаларға арналған С.Сейфуллин атындағы № 11 облыстық мамандандырылған мектеп-лицей - интернаты жанынан ашылған өнер мектебі. Жас ұрпақты тәрбиелеуде, қосымша білім беретін өнер мектебінің өзіндік сара жолы бар.

Әр баланың бойындағы табиғат берер ерекше қабілеті, дарындылығы болады. «Бұлақ көрсең, көзін аш» дегендей, осындай баланың бойындағы дарындылық қасиетін дамыту көбіне мұғалімдердің кәсіби біліктілігіне тікелей байланысты екендігі айдан анық. Дарынды оқушыны дарынды ұстаз ғана дайындай алады. «Көптеген табиғи талант дарынсыз ұстаздардың кесірінен жойылып кетеді», - деген екен Плутарх.

Өнер мектебінде білімді, өз мамандықтарын жетіқ меңгерген, кәсіби біліктіліктері жоғары, іскер 24 ұстаз аспапта ойнау, көркемсурет және хореография бағыттарында сабақ береді.

Бойындағы қабілетін анықтайтын іріктеу емтиханы арқылы қабылданған оқушы мемлекеттік стандартқа сай білім алып, оқу мерзімі аяқталған соң мемлекеттік емтихан тапсырып, дипломдық жұмыстарын қорғап, белгіленген үлгідегі куәлік алып, арнайы оқу орындарында білімін жалғастыруға мүмкіндік алады.

Арнайы аспапта ойнау, көркем туындыларын салу, би билеу, теориялық пәндер мен музыка, өнер, хореография тарихын оқыта отырып, балалардың бойына ұлттық құндылықтарды дарытып, педагогикалық ұжым бәсекеге қабілетті, өнерлі, дарынды жастарды тәрбиелеп келеді.

Оның дәлелі - дарынды оқушының ақыл-ойының, эмоционалдық және әлеуметтік дамуы мен ерекшеліктерінің өзіндік ашылу деңгейі мен өлшемін ескеру, жан-жақты ақпараттандыру, коммуникативті бейімдеу арқылы оқушыларды көптеген облыстық, республикалық, халықаралық байқауларға қатыстырып, жетістіктерге қол жеткізіп отырғаны.

Атап айтсақ, «Атамұра» үлгілі халық аспаптар оркестрі, «Арай» қобызшылар ансамблі, «Ивушка» орыс халық аспаптары ансамблі, «Дарын», «Ай-Наз» би ансамбльдері және түрлі жеке аспаптарда орындайтын жеке қатысушылар, көркемсурет бойынша көптеген көрме-байқаулардың жеңімпаздары атанып, жүлде қоржындарын қомпайтуда.

Өнерлі оқушыларымыз - мектеп, қала, облыс көлеміндегі түрлі мәдени шара, концерттердің белсенді қатысушылары.

Өнер мен білімді қатар өріп келе жатқан өрендерді 30 жыл бойы шыңдап отырған өнер мектебінің болашағы зор.

Бүгінгі шәкірттеріміз - ертеңгі мамандар. Олар өз білімдерін халық мәдениетімен, тарихымен, салт -дәстүрі және әдеп-ғұрпымен байытып, алған білімдері мен тәрбиесі арқасында болашақта халқымыздың өнерін өркендетіп, дамытуға және ұлттық сананы қалыптастыруға үлес қосарына мен кәміл сенемін.

«ӨНЕР» МЕКТЕБІ ТУРАЛЫ

«АТАМҰРА» ҮЛГІЛІ ХАЛЫҚ АСПАПТАР ОРКЕСТРІ

Мектебіміздің мақтанышы – ұлттық нақышымызды жоғалтпай, халқымыздың өнерін жаңғыртып жалғастырып келе жатқан «Атамұра» үлгілі халық аспаптар оркестрі. Жетекшісі – Кусаинова Зауреш Кайдаровна.

Бұл оркестрдің басты ерекшілігі - оркестр мүшелері бір сыныптың оқушылары. Оркестр құрамы оқу бітіруіне байланысты төрт жыл сайын өзгеріп тұрады. Казіргі таңда оркестрдің 5-ші құрамы өнер көрсетуде.

Жалпы білім беретін мектепте бір сыныпқа өнерлі, дарынды оқушыларды қабылдау – Республика бойынша тек қана осы мектепте 2009 жылы еңгізілген жаңа үрдіс.

Осы жылдары ішінде оркестр түрлі деңгейдегі жарыс-байқауларға қатысып, биік шыңдардан көрініп жүр. Жылдан жылға оркестрде орындалатын шығармаларда күрделеніп келеді. Бүгінгі таңда оркестрдің репертуарында 50-ге жуық шығарма бар.

Ұжымның қол жеткізген табыстары жоғары бағаланып, облыстық мәдениет басқармасының ұсынылуымен 2010 жылы оркестрге ҚР мәдениет министрлігінің шешімімен «Үлгілі өнер ұжымы» атағы берілді.

Оркестрдің қол жеткізген табыстары

2012ж. - Халықаралық «Ғұмырдария» байқауы - Гран При, Алматы

2012ж. - 46-облыстық Жас музыканттар байқауы - ІІІ орын

2013ж. - ІІ Республикалық «Созвездие талантов» байқауы - І орын, Ақтөбе

2014ж. - Халықаралық «Волшебный путь искусства байқауы - ІІ орын

2015ж. - Халықаралық «Феерия» байқауы -Гран При, Астана

2015ж. - 49-облытық Жас музыканттар байқауы - ІІІ орын

2016ж. - Республикалық «Дала дарыны» байқауы - Гран При

2016ж. - Халықаралық «Звездопад» байқауы – Бас жүлде, Алматы

2017ж. - ХV Республикалық «Ақ көгершін» байқауы - Гран При

2017ж. - Республикалық «Менің елім-мәігілік ел» байқауы - Бас жүлде

2018ж. - International Festival-Competition «Christmas Stars» Международный фестиваль-конкурс ІІ орын , Мәскеу қаласы, РФ)

2018ж. - Республикалық «Дарабоз» байқауы-Бас жүлде

2018ж. - ІІ Международный конкурс-фестиваль «Аяулы Астана» - Гран При

2020ж. - Абай Құнанбаевтің 175 жылдығына арналған Республикалық «Құлақтан кіріп бойды алар» атты байқау - Бас жүлде

2020ж. - оркестрдің кіші тобы - Абай Құнанбаевтің 175 жылдығына арналған Республикалық «Құлақтан кіріп бойды алар» атты байқау - Бас жүлде

2021ж. - VІІІ Международный конкурс им.Савелия Орлова - І орын, РФ, Самара қаласы

2022ж. – ҮІІ Халықаралық «Музыкальное созвездие» байқауы - І орын, Атырау қаласы

2023ж. - Мұкан Тулебаевтің 110 жылдығына арналған Республикалық байқауы – Гран При, Астана

2023ж. - оркестрдің домбырашылар тобы- Республикалық «Jas Juldyz» байқауы- Бас жүлде

2014 жыл – Оркестрдің 1-ші құрамы

2017 жыл – Оркестрдің 2-ші құрамы

ҚР еңбек сіңірген әртісі – Қанатқали Қожақов

«Қазақстан Орал» телеарна студиясында

2018 жыл – Халықаралық «Рождественские звезды» байқауы, Мәскеу. РФ

2019 жыл – Оркестрдің 3-ші құрамы

«Ақжайықтың Ақшағаласы» ақын Ақұштап Бақтыгереева

Оркестрдің 4-ші құрамы

2023 жыл – Оркестрдің 5-ші құрамы

БІРЛІГІ ЖАРАСҚАН ӨНЕР МЕКТЕБІНІҢ ҰЖЫМЫ

Ардагер ұстаз Ерсайын Қадырұлы Сапаровпен

Облыстық «Педагогикалық идеялар панорамасы» байқауының жеңімпаздары М. Хаирова, З. Кусаинова, Қ. Оразов,
«Өрлеу» БҚО ПҚБАИ аға оқытушысы С.Сексенбаева

Табиғат аясында

9 Мамыр Ұлы Жеңіс күніне арналған шара

Ұлыстың Ұлы күні – Наурыз мерекесі

Қосымша білім педагогтері арасында өткен Республикалық «Өмірін өрген өнермен» атты байқауы

ӨНЕР МЕКТЕБІНІҢ ТҮЛЕКТЕРІ

1998 жылы өнер мектебінің алғашқы түлектеріне куәлік берілді. Содан бері 650-ден астам оқушы өнер мектебін бітірді. Жылдан-жылға мектепті үздік бітірген оқушылар саны көбейіп, өз мамандықтарын жалғастырып музыкалық колледж, консерватория, Ұлттық академия, БҚМУ музыка, көркемсурет, сәндік-қолданбалы өнер, дизайн, хореография факультетіне түсушілердің саны артып келеді.

Солардың ішінде:

Арнайы оқу орындарына түскен түлектердің аты-жөні	Оқу орны
Капишева Дана	Мәскеу мемлекеттік университеті, дизайн және технология факультеті.
Жалилдинов Данияр	БҚМУ, бейнелеу өнері және сызу факультеті
Қабдолов Ғабит	БҚМУ, Дизайн факультеті
Әбуов Жеңіс	БҚМУ, Бейнелеу өнері және сызу факультеті
Адаева Әсел	Астана қаласы. Сәулет институты.
Бейсенбаева Айдана	Алматы қаласы. Өнер академиясы.
Өтепов Руслан	Орал саз колледжі, живопись бөлімі
Төленкереев Сабыржан	Орал саз колледжі, дизайн бөлімі
Ақтанов Асланбек	Орал саз колледжі, дизайн бөлімі
Мұханбетқалиев Өтеген	Орал саз колледжі, сәндік қолданбалы өнер бөлімі
Жұбаншалиева Ақбота	Орал саз колледжі дизайн бөлімі
Құтқожиева Шолпан	Казақ ұлттық музыка академиясы, Астана
Кабдолов Ғабит	БҚМУ, бейнелеу өнері факультеті
Мұқанова Айжан	БҚМУ, дизайн факультеті
Құтқожиева Шолпан	Қазақ Ұлттық академиясы.
Мақсат Гүлназ	Астана, Еуразия университеті, музыкалық факультет
Сралиева Гүлнур	Алматы, Қазақ Ұлттық консерваториясы
Ақыбаев Ертай	Құрманғазы атындағы Орал музыкалық колледжі
Рудышева Айнүр	Құрманғазы атындағы Орал музыкалық колледжі
Сутанияров Құдайберген	Құрманғазы атындағы Орал музыкалық колледжі
Қуанышалиев Архат	Құрманғазы атындағы Алматы Қазақ Ұлттық консерваториясы.
Аюпова Нүргүл	БҚМУ, музыка факультеті.
Салимова Аида	БҚМУ, дәстүрлі музыка факультеті
Мұханбеталиева Гүлнур	ҚМУ, хореография факультеті
Молдағалиев Жанболат	БҚМУ, музыкалық білім факультеті
Жақсығулова Жанар	БҚМУ, хореография факультеті
Орынтаев Едил	Құрманғазы атындағы Орал саз колледжі
Науханов Ғарифолла	Құрманғазы атындағы Орал саз колледжі
Каримов Мейрамбек	П.И.Чайковский атындағы музыка колледжі-Астана
Мақсотова Аяулым	Қазақ Ұлттық өнер университеті- Астана
Искакова Зарина	Қазақ Ұлттық консерваториясы, Астана
Мамбетова Райхан	П.И.Чайковский атындағы музыкалық колледжі-Астана ,«Асыл» тобының мүшесі
Мақымов Руслан	Қазақ Ұлттық өнер университеті - Астана
Курманов Дархан	Қазақ ұлттық өнер университеті «Сценография» мамандығының түлегі, Астана
Бисембаева Айдана	Т.Қ. Жүргенов атындағы Ұлттық Өнер академиясының театр-сәндік өнері бөлімі
Кубашева Дина	Қазақ ұлттық өнер университеті – «Сәндік қолданбалы өнер» факультеті
Темирханова Назерке	Қазақ ұлттық өнер университеті – «Сәндік қолданбалы өнер» факультеті
Қанатқызы Аружан	О.Тақсықбаев атындағы сәндік-қолданбалы өнер және сурет колледжі. Алматы
Демеуова Торғын	О.Тақсықбаев атындағы сәндік-қолданбалы өнер және сурет колледжі, Алматы
Жалмуханова Құндыз	Құрманғазы атындағы Орал музыкалық колледжі, бейнелеу өнері факультеті
Ерболатқызы Махаббат	П.И.Чайковский атындағы музыка колледжі, Алматы
Асқарұлы Әділжан	Құрманғазы атындағы Орал музыкалық колледжі
Ғалымжан Дәулет	Құрманғазы атындағы Қазақ Ұлттық консерваториясы
Бақтығалиева Бақытгүл	Құрманғазы атындағы Орал музыкалық колледжі
Кимран Раушан	Құрманғазы атындағы Орал музыкалық колледжі
Айдынғали Аружан	Құрманғазы атындағы Орал музыкалық колледжі
Мажитова Аружан	Құрманғазы атындағы Орал музыкалық колледжі
Балтабекова Диана	Құрманғазы атындағы Орал музыкалық колледжі
Ермекова Айбану	М.Өтемісов атындағы БҚМУ «Музыкалық білім»
Ерсайынова Аэлита	Құрманғазы атындағы Орал музыкалық колледжі
Нысан Әнжан	Ұлттық өнер академиясы, Астана қаласы
Жолдығали Назерке	Құрманғазы атындағы Орал музыкалық колледжі
Сагидуллинна Мадина	Ж.Досмухамедов атындағы Орал педагогикалық колледжі
Мақсотова Рамила	О.Тақсықбаев атындағы сәндік-қолданбалы өнер және сурет колледжі. «Киім дизайнері» факультеті, Алматы
Қасым Бекасыл	П.И.Чайковский атындағы музыкалық колледжі, Алматы

КУТКУЖИЕВА ШОЛПАН
	§ 1997 жылғы өнер мектебінің түлегі § 1997-2001 жж. - Құрманғазы атындағы Орал музыкалық колледжі қобыз класының мұғалімі, оркестр артисі мамандығы бойынша білім алды § 2001-2005 жж. - Қазақ Ұлттық музыка академиясы концерттік орындаушы мамандығы бойынша білім алды § 2004-2006 жж. - Астана қаласы «Ақ жауын» Мемлекеттік камералық оркестрінің артисі § 2006-2011 жж. - М. Өтемісов атындағы Батыс Қазақстан мемлекеттік университеті өнер институтының оқытушысы

ҚАБДОЛОВ ҒАБИТ
	§ 2000 жылғы өнер мектебі көркемсурет бөлімінің түлегі (мұғалімі Оразов Қанат Орынтайұлы) § 2003-2007 жж. - М. Өтемісұлы атындағы Батыс Қазақстан мемлекеттік университетінің «Бейнелеу өнері» факультеті «Дизайнер мамандығы» бойынша білім алды. § Жеке кәсіпкер

САЛИМОВА АИДА
	§ 2003 жылғы өнер мектебі қобыз класының түлегі (мұғалімі Хаирова Мереке Есетовна) § 2006-2010 жж. - М. Өтемісов атындағы Батыс Қазақстан мемлекеттік университеті «Аспаптық орындау» мамандығы бойынша білім алды § 2010-2019 жж. - Тасқала аудандық мәдени-демалыс орталығы халық аспаптар оркестрінің жетекшісі жұмысын атқарды § 2020 жылдан бастап Ғ. Құрманғалиев атындағы Батыс Қазақстан облыстық филармония Дәулеткерей атындағы қазақ халық аспаптар оркестрінің қобызшысы

СҰЛТАНИЯРОВ ҚҰДАЙБЕРГЕН
	§ 2006 жылғы өнер мектебі домбыра класының түлегі (мұғалімі Жақыбалиев Серік Рақымұлы) § 2006-2010 жж. - Орал қаласы Құрманғазы атындағы саз колледжінде білім алды § 2010-2015 жж. - М. Өтемісов атындағы Батыс Қазақстан мемлекеттік университеті «Музыкалық білім» мамандығы бойынша білім алды § Казіргі таңда Орал қаласы №13 ЖОББМ еңбек етуде

МОЛДАҒАЛИЕВ ЖАНБОЛАТ
	§ 2008 жылғы өнер мектебі домбыра класының түлегі (мұғалімі Жақыбалиев Серік Рақымұлы) § 2008-2012 жж. - Орал қаласы Құрманғазы атындағы саз колледжінде білім алды § 2012-2016 жж. - М. Өтемісов атындағы Батыс Қазақстан мемлекеттік университеті «Музыкалық білім» мамандығы бойынша білім алды § Казіргі таңда Орал қаласы №14 ЖОББМ музыка пәнінің мұғалімі

ОРЫНТАЕВ ЕДІЛ
	§ 2009 жылғы өнер мектебі фортепиано класының түлегі (мұғалімі Исмагулова Салтанат Гарифовна) § 2009-2013 жж. - Орал қаласы Құрманғазы атындағы саз колледжінің фортепиано бөлімінде оқыды. § 2016-2019 жж. - М. Өтемісұлы атындағы Батыс Қазақстан Мемлекеттік университеті «Орындаушылық өнер» мамандығы бойынша білім алды § 2019 жылдан бастап Орал қаласы Д. Нұрпейісова атындағы балалар саз мектебінде сабақ береді § «E-SAN» Өнер орталығының жетекшісі

БИСЕМБАЕВА АЙДАНА
	§ 2011 жылғы өнер мектебі көркемсурет бөлімінің түлегі (мұғалімі Оразов Қанат Орынтайұлы) § 2011-2016 жылдары Т.Қ. Жүргенов атындағы Ұлттық Өнер академиясының театр-сәндік өнері бөлімін білім алды § 2014 жыл ҚР тұңғыш Президенті Қоры- Ұлт Көшбасшысы степендиясының иегері атанып сол жылы Рим қаласының Костюм және сән академиясында, (Италия) Ватикан мұражайында және Лувр мұражайында дәріс тыңдап, қоюшы-суретші Джианни Гуарантадан шеберханасында жұмыстанып, шеберлік сабақтарынан дәріс алды. § 2015 ж. - QUADRENNIAI - 2015 Прага қаласында өткен халықаралық театр фестивалінің қатысушысы. § «Сценография» мамандығы бойынша өнертану ғылымының магистрі. § Ғ. Мүсірепов атындағы академиялық балалар мен жасөспірімдер театрының қоюшы- суретшісі.

МАКСОТОВА АЯУЛЫМ
	§ 2012 жылғы өнер мектебі қобыз класының түлегі (мұғалімі Хаирова Мереке Есетовна) § 2012-2016 жж. - Алматы қаласы П. И. Чайковский атындағы музыка колледжінде оқыды § 2016-2020 жж. - Астана қаласы Қазақ ұлттық өнер университетінде білім алды § 2022 жылдан бастап астана қаласы Бином "Тұран" мектеп-лицейінің музыка пәні мұғалімі.

КАРИМОВ МЕЙРАМБЕК
	§ 2012 жылғы өнер мектебі қобыз класының түлегі (мұғалімі Андирова Алмагүл Боранқызы) § 2012-2017 жж. - П.И. Чайковский атындағы Алматы музыкалық колледжі «Баян» мамандығы бойынша білім алды § 2014-2018 жж. П.И. Чайковский атындағы Алматы музыкалық колледжі «Академиялық вокал» мамандығы бойынша білім алды § 2019-2022 жж. - Махамбет Өтемісов атындағы Батыс Қазақстан университеті «Вокалдық өнер» мамандығы бойынша білім алды § 2018-2021 жж. - Орал қаласы Дина Нұрпейісова атындағы балалар саз мектебінің оқытушысы § 2018-2022 жж. - Орал қаласы № 39 ЖОББ мектебі музыка пәні мұғалімі § 2021 жылдан бастап Орал қаласы Эстетикалық бағыттағы гимназия вокал, хор пәндерінің мұғалімі

ҚҰРМАНОВ ДАРХАН
	§ 2012 жылғы өнер мектебі көркемсурет бөлімінің түлегі (мұғалімі Оразов Қанат Орынтайұлы) § 2012-2016 жж. - Астана қаласы Қазақ Ұлттық өнер университетінің «Сценография және өнер» мамандығы бойынша білім алған § 2016-2017 жж. - Италияның Милан қаласындағы Accademia di Belle Art di Brera академиясында оқыды. § 2017 жылдан бастап Астана қаласы Қазақ Ұлттық өнер университетінің «Сценография» кафедрасының оқытушысы § Өнертану ғылымдарының магистрі
МАМБЕТОВА РАЙХАН

§ 2012 жылғы өнер мектебі қобыз класының түлегі (мұғалімі Қадыралиева Қалила Сағынқызы) § 2012-2017 жж. - П.И. Чайковский атындағы Алматы музыкалық колледжі «Қобыз» мамандығы бойынша білім алды § 2017- 2021 жж. - Алматы қаласы Т. Жүргенов атындағы өнер академиясында білім алды § Қазақ эстрадасының жұлдызы “Assyl” тобының солисті

МАКЫМОВ РУСЛАН
	§ 2012 жылғы өнер мектебі домбыра класының түлегі (мұғалімі Садыхова Нұргүл Толқынбекқызы) § 2012-2020 жж. - Астана қаласы Қазақ ұлттық өнер университетінде білім алды. § 2016 жылдан бастап «Роза Бағланова атындағы «Қазақконцерт» мемлекеттік концерттік ұйымында» «Халық қазынасы» өнер бөлімінде қызмет атқарады. § «Saz» этно-тобының солисті § «Серпер» ансамблінің мүшесі § Әр жылдары «Шабыт», «Шат» ансамбльдерін құрамында 23 шетел қалаларында концерттерге қатысқан

ИСХАК ЗАРИНА
	§ 2012 жылғы өнер мектебі домра-прима класының түлегі (мұғалімі Кабдрахманова Аяулы Нұрлығайынқызы) § 2012-2016 жж. - Орал қаласы Құрманғазы атындағы саз колледжінде білім алды § 2015-2016 жж. - Ғ. Құрманғалиев атындағы Батыс Қазақстан облыстық филармонияДәулеткерей атындағы қазақ халық аспаптар оркестрінің, «Оралым» фольклорлық ансамблінің артисі § 2016-2020 жж. - Алматы қаласы Құрманғазы атындағы Қазақ Ұлттық Консерваториясында, профессор Е. Б. Басықараның сыныбынан білім алды § 2018 жылдан бастап «Алатау» дәстүрлі өнер театрының «Алатау» этно-фольклорлық ансамблі артисі § Республикалық, Халықаралық байқаулардың Лауреаты

ОСПАНОВА ҰЛПАН
	§ 2012 жылғы өнер мектебі фортепиано класының түлегі (мұғалімі Ахметгалиева Айжан Абдуллаевна) § 2012-2019 жж. - Орал қаласы Құрманғазы атындағы саз колледжінде білім алды § 2019-2022 жж. - Махамбет Өтемісұлы атындағы Батыс Қазақстан университеті «Фортепиано» мамандығы бойынша білім алды § 2016-2019 жж. - Тасқала ауданы музыка мектебінің мұғалімі § 2020 жылдан бастап Дина Нүрпейісова атындағы балалар музыка мектебінің оқытушысы

ГАЛЫМЖАН ДАУЛЕТ
	§ 2014 жылғы өнер мектебі домбыра класының түлегі (мұғалімі Садыхова Нұргүл Толқынбековна) § 2014-2018 жж. - Орал қаласы Құрманғазы атындағы саз колледжі «Домбыра» мамандығы бойыншы білім алды § 2020 жылдан бастап Алматы қаласы Құрманғазы атындағы қазақ ұлттық консерваториясында білімін жалғастыруда

МУСИЕВА БАКЫТГУЛЬ
	§ 2014 жылғы өнер мектебі домбыра класының түлегі (мұғалімі Утепкалиева Зухра Келисовна) § 2014-2018 жж. - Орал қаласы Құрманғазы атындағы саз колледжі «Домбыра» мамандығы бойынша білім алды § 2018-2021 жж. - Махамбет Өтемісұлы атындағы Батыс Қазақстан университеті «Дәстүрлі музыка өнері» мамандығы бойынша білім алды § 2021 жылдан бастап БҚО Бөрлі ауданының балалар саз мектебі домбыра класының оқытушысы

ҚАНАТҚЫЗЫ АРУЖАН
	§ 2016 жылғы өнер мектебі көркемсурет бөлімінің түлегі (мұғалімі Оразов Қанат Орынтайұлы) § 2016-2020 жж. - Алматы қаласы О. Таңсықбаев атындағы сәндік- қолданбалы өнер колледжінде «Графикалық дизайн» мамандығы бойынша білім алды § 2020 жылдан бастап Қазақ бас сәулет-құрылыс академиясының «Тұрғын үй және қоғамдық ғимараттар сәулетшісі» мамандығы бойынша білімін жалғастыруда

ЛҰҚПАНОВА ГҮЛМАРХАН
	§ 2016 жылғы өнер мектебі қобыз класының түлегі (мұғалімі Хаирова Мереке Есетовна) § 2016 -2020 жж. - М. Өтемісов атындағы БҚМУ мәдениет және өнер факультеті “Дәстүрлі музыка өнері” мамандығы бойынша білім алды § 2020 жылдан бастап Орал қаласы Дина Нұрпейісова атындағы балалар музыка мектебінің оқытушысы

ЕРСАЙЫНОВА АЭЛИТА
	§ 2016 жылғы өнер мектебі вокал класының түлегі (мұғалімі Жақыбалиев Серік Рақымұлы) § 2016-2020 жж. - Орал қаласы Құрманғазы атындағы саз колледжінде «хор дирижері» мамандық бойынша білім алды § 2020 жылдан бастап Теректі балалар музыка мектебінде вокал, сольфеджио, хор пәндерінің оқытушысы

АСҚАРҰЛЫ ӘДІЛЖАН
	§ 2017 жылғы өнер мектебі домбыра класының түлегі (мұғалімі Жақыбалиев Серік Рақымұлы) § 2017-2021 жж.- Орал қаласы Құрманғазы атындағы саз колледжінде « Халық көркем өнер шығармашылығы» мамандығы бойыншы білім алды § 2021 жылдан бастап Махамбет Өтемісұлы атындағы Батыс Қазақстан университеті «Дәстүрлі музыка өнері» бөлімінің студенті, Бөрлі ауданы, Ақсай қаласы балалар саз мектебі домбыра пәнінің оқытушысы.

АЙДЫНҒАЛИ АРУЖАН
	§ 2017 жылғы өнер мектебі домбыра класының түлегі (мұғалімі Жақыбалиев Серік Рақымұлы) § 2017-2021жж. - Орал қаласы Құрманғазы атындағы саз колледжінде « Әлеуметтік мәдени қызметкері және халықтық көркемдік өнер шығармашылығы» мамандығы бойынша білім алды. § 2021 жылдан бастап БҚО Теректі ауданы «Теректі» балалар музыка мектебі домбыра класының оқытушысы.

МАЖИТОВА АРУЖАН
	§ 2017 жылғы өнер мектебі домра-прима класының түлегі (мұғалімі Кабдрахманова Аяулы Нұрлығайынқызы) § 2017-2021 жж. - Орал қаласы Құрманғазы атындағы саз колледжінде білім алып, үздік дипломмен аяқтады. § 2019-2021 жж. - Ғ. Құрманғалиев атындағы БҚО филармония Дәулеткерей атындағы қазақ ұлт-аспаптар оркестрінің артисі § Қалалық Жастар Мәдениет үйінің «Алаш» этно-фольклорлық ансамблі және орыс халық аспаптар оркестрінің артисі § 2021 жылдан бастап Астана қаласы Қазақ Ұлттық Өнер Университетінде Е.Мухамедиевтің сыныбында білімін жалғастыруда. § Республикалық, халықаралық байқаулардың лауреаты

ЖУМАГАЗИЕВА АЙНУР
	§ 2017 жылғы өнер мектебі қобыз класының түлегі (мұғалімі Хаирова Мереке Есетовна) § 2017-2021 жж. - Орал қаласы Құрманғазы атындағы саз колледжінде «Қобыз» мамандығы бойынша білім алды § 2021 жылдан бастап Абылай хан атындағы Қазақ Халықаралық қатынастар және Әлем тілдері университеті (Шығыстану факультеті-корей тілі студенті)

НЫСАН ӘНЖАН
	§ 2017 жылғы өнер мектебі қобыз класының түлегі (мұғалімі Бисалиева Анаргүл Сағынқызы) § 2018-2022 жж. - Орал қаласы Құрманғазы атындағы саз колледжінде білім алды § 2023 жылдан бастап Астана қаласы Қазақ Ұлттық Өнер Университетінде білім алуда

ЕРБОЛАТҚЫЗЫ МАХАББАТ
	§ 2017 жылғы өнер мектебі қобыз класының түлегі (мұғалімі Ахметова Айымгүл Сұңғатқызы) § 2017-2021 жж. – Алматы қаласы П. И. Чайковский атындағы музыкалық колледжінде білім алды § 2021 жылдан бастап Алматы қаласы Құрманғазы атындағы қазақ ұлттық консерваториясында білімін жалғастыруда

КИМРАН РАУШАН
	§ 2017 жылғы өнер мектебі қобыз класының түлегі (мұғалімі Хаирова Мереке Есетовна) § 2017-2021 жж. - Орал қаласы Құрманғазы атындағы саз колледжінде «Қобыз» мамандығы бойынша білім алды § 2021 жылдан бастап Алматы қаласы Құрманғазы атындағы қазақ ұлттық консерваториясында білімін жалғастыруда

БАЛТАБЕКОВА ДИАНА
	§ 2017 жылғы өнер мектебі домбыра класының түлегі (мұғалімі Хамсина Гульнара Максутовна) § 2017-2021 жж.- Орал қаласы Құрманғазы атындағы саз колледжінде «Домбыра» мамандығы бойынша білім алып, үздік дипломмен аяқтады § 2022 жылдан бастап Ғарифолла Құрманғалиев атындағы БҚО филармония әртісі, Дәулеткерей атындағы оркестрдің домбырашысы. § Дина Нүрпейісова атындағы балалар музыка мектебінің оқытушысы

АРМАНОВ КУДАЙБЕРГЕН
	§ 2018 жылғы өнер мектебінің домбыра класының түлегі (мұғалімі Утепкалиева Зухра Келисовна) § 2020 жылдан бастап Алматы қаласы Құрманғазы атындағы қазақ ұлттық консерваториясында білімін жалғастыруда § Халықаралық, Республикалық байқаулардың лауреаты

МАҚСОТОВА РАМИЛА
	§ 2020 жылғы өнер мектебі көркемсурет бөлімінің түлегі (мұғалімі Оразов Қанат Орынтайұлы) § 2020 жылдан бастап Алматы қаласы О.Таңсықбаев атындағы сәндік- қолданбалы өнер колледжінде «Киім дизайнері» мамандығы бойынша білім алуда

ҚАСЫМ БЕКАСЫЛ
	§ 2021 жылғы өнер мектебі баян класының түлегі (мұғалімі Кереев Бағжан Темірханұлы) § 2021 жылдан бастап Алматы қаласы П.И. Чайковский атындағы музыкалық колледжінің студенті

САГИДУЛЛИНА МАДИНА
	§ 2021 жылғы өнер мектебі қобыз класының түлегі (мұғалімі Хаирова Мереке Есетовна ) § 2021 жылдан бастап Орал қаласы Жаһанша Досмухамедов атындағы педагогикалық колледжі музыкалық бөлімінің студенті

ЖОЛДЫҒАЛИ НАЗЕРКЕ
	§ 2021 жылғы өнер мектебі қобыз класының түлегі (мұғалімі Ахметова Айымгүл Сұнғатқызы) § 2021 жылдан бастап Орал қаласы Құрманғазы атындағы саз колледжінің студенті

КӨКТЕМ БАЛЫ

2011 жылдан бастап жыл сайын мектебімізде дәстүрлі «Көктем балы» атты мәдени шара өтеді.

Шараның басты мақсаты - би арқылы оқушылардың эстетикалық талғамын кеңейту, әдемілікке, сымбаттылыққа, бір біріне деген сыйластыққа үйрету.

18-19 ғасырдағы бал талабына сай әдемі киінген жұптар – «Полонез» биімен тізіліп шыққанының өзі үлкен әсер, эстетикалық ләззат берердей жайт. Жыл бойы оқушылар дайындыққа белсене қатысып, нәтижесінде көрерменге әдемі кеш сыйлайды.

Жылдан жылға қатысушылардың санын көбейіп, бал мектептің жоғары сынып оқушыларының асыға күтетін ортақ мерекесіне айналды.

МӘДЕНИ ШАРАЛАР

КӨРКЕМСУРЕТ БӨЛІМІ

АСПАПТАР БӨЛІМІ - ҚОБЫЗ

«KOBYZ PARTY»

2000 жылдан бастап өнер мектебінде кәсібі қобызшыларды тәрбиелеп келе жатқан
тәжірибелі ұстаз, бірнеше дүркін республикалық, халықаралық байқаулардың лауреаты-
«АРАЙ» қобызшылар ансамблінің жетекшісі Хаирова Мереке Есетқызы шәкірттерімен