Директор блогы - Дарынды балаларға арналған С.Сейфуллин атындағы №11 облыстық мамандандырылған мектеп-интернаты

Дарынды балаларға арналған С.Сейфуллин атындағы №11 облыстық мамандандырылған мектеп-лицей-интернаты

Құрметті ата-аналар, оқушылар, әріптестер және қонақтар!
Сіздерді дарынды балаларға арналған С.Сейфуллин атындағы №11 облыстық мамандандырылған мектеп-лицей-интернатының ресми сайтына, директор блогына қош келдіңіздер деп шын жүректен құттықтаймын!
Біздің мектеп – білім мен ғылымға ұмтылған, ел болашағына өз үлесін қосуға дайын, талантты жас ұрпақты тәрбиелеуді басты мақсат еткен ұжым. Мұнда оқушылардың қабілетін барынша ашуға, озық білім алуға және жан-жақты дамуына барлық жағдай жасалған.
Бұл блог – біз үшін ата-аналармен, оқушылармен және білім беру саласының жанашырларымен ашық әрі шынайы байланыс орнатудың тиімді алаңы.
Осы бөлім арқылы сіздер өз сұрақтарыңызды қойып, пікірлеріңіз бен ұсыныстарыңызды қалдыра аласыздар. Біз әрдайым кері байланысқа дайынбыз.
Мектебіміздің табысты дамуы – ортақ жауапкершілік пен сенімге негізделген серіктестік нәтижесі. Сол себепті сіздердің белсенді қатысуларыңыз, ой-пікірлеріңіз біз үшін аса маңызды.

Ізгі ниетпен,
Зулкашева Шынар Мулкайевна
Дарынды балаларға арналған арналған С.Сейфуллин атындағы
№11 облыстық мамандандырылған мектеп-лицей-интернатының директоры

Жазба қалдыру

Мухамбетов Малик

Құрметті директор! Бүгін қабылдау комиссиясына жүгінген кезде ұлымның математикалық бағыттағы 7-сыныпқа конкурстық іріктеуге қатысу үшін құжаттарын қабылдаудан бас тартылды. Бас тарту себебі ретінде тоқсандардың бірінде «3» бағасының болуы көрсетілді. Сонымен қатар, ұлым оқу жылын қорытынды жылдық бағаларында «3» бағасы болмай аяқтады. Осыған байланысты, тоқсандық бағаларында жекелеген «3» бағаларының болуына байланысты, жылдық қорытынды бағаларында «3» бағасы болмағанына қарамастан, ұлымды математикалық бағыттағы 7-сыныпқа конкурстық іріктеуге жібермеуге негіз болған нормативтік құқықтық актіні, қабылдау тәртібі туралы ережені немесе өзге де ресми құжатты ұсынуыңызды сұраймын. Сондай-ақ Қазақстан Республикасының қолданыстағы заңнамасында белгіленген мерзімде жазбаша жауап беруіңізді сұраймын. Құрметпен, Малик Мұхамбетов Байланыс телефоны: +7 777 438 0981

Сәрсенбі, 17 Маусым 2026

Улболсын Марксовна

Сәлеметсіз бе! Мен негізгі мектеп бітіруші оқушының ата-анасымын, Теректі ауданынан. Сіздерде 10-сыныпқа қосымша қабылдау болама екен, соны білгім келген. Қызым оқу озаты, «Мың бала олимпиадасының» жеңімпазы болған (6-сыныпта), «Айқанат» олимпиадасы бойынша республикалық кезеңге қатысушы болды. Аудандық, облыстық байқауларға үнемі қатысып, әртүрлі орындар иеленді. Мектебіміз негізгі мектеп болғасын 10-11-сыныптарды оқуын жалғастыру үшін интернаты бар мектептерге сұрау жіберіп отырмын. Сіздің мектепке түсуге мүмкіншілік болама екен ?

Бейсенбі, 14 Мамыр 2026