«1 маусым - Халықаралық балалар күніне» орай, мектебімізде балаларды қорғау күні туралы түсініктерін кеңейтіп, ойын-сауықта ән айтып, би билеп, сурет салу арқылы шығармашылық қабілеттерін арттыру, балаларды өзін құрметтеуге, жеке тұлға ретінде көрсете білуге тәрбиелеу мақсатында әртүрлі бағыттағы іс-шаралар оздырылды. Алдымен мектепке келген әр оқушыға көтеріңкі көңіл-күй сыйлау үшін 4-8 сынып  оқушыларына  «Жарқын болашақ - жастарымыз» атты флэшмоб ұйымдастырылып, шара «Бақытты балалық шақ» мерекелік концертіне ұласты. Концерт барысында мектеп директоры Хамзина Аягөз Орынбайқызы балаларды мерекемен құттықтап, жылы лебізін білдірді. Әсем әуен, әдемі бимен  өрілген мереке 4 сыныптарға арналған «Асфальттағы суреттер» сурет салу терапиясымен, 5-6 сыныптарға «Қызықты эстафета» және 7-8 сыныптарға арналған «Келешектің тұтқасы-білімді ұрпақта» тақырыбындағы психологиялық тренинг, ұлттық және командалық ойындарымен жалғасты. Өткізілген әр шарадан ерекше  әсер алған оқушыларға шара соңында мерекеге орай тәттілер ұсынылып,  мерекелік концерт «Ақ көгершін» әнімен  қорытындыланды.