18 қазан күні 10-11 сынып оқушыларына кәсіби бағыт-бағдар беру мақсатында Назарбаев университетінің өкілдерімен кездесу ұйымдастырылды. Жиынға Назарбаев Университетінің Студенттерді оқуға тартуды басқару департаментінің аға менеджері Курмашева Альбина Мағауияқызы қатысып, оқушыларға ЖОО жайында, университеттегі мамандықтар, шетелдік оқу орындарымен байланыс, студенттерге берілетін мүмкіндіктер жайында жан-жақты ақпарат берді. 11-сынып оқушылары өздерін қызықтырған мәселелер жайында сұрақтарын қойып, маманнан толыққанды жауап алды. Осындай тығыз қарым-қатынас нәтижесінде былтырғы түлектердің біразы Назарбаев университетінің студенті атанған еді. Осы орайда қазанның 19 күні Достық үйінде өткен Назарбаев университетінің ашық есік күні шарасында мектеп ұжымы Алғыс хатпен марапатталды.