2 желтоқсан күні мектебіміздің 11б-сынып оқушылары қаламыздағы “ЭкоМед Жайық” клиникасына барып, кәсіби мамандармен кездесіп қайтты. Мақсаты: түлектерге кәсіби бағдар беру, болашақ мамандық таңдауда жол көрсету, мамандық туралы түсінік беру. Кездесу барысында көптеген отбасыларға ата-ана бақытын сыйлаған орталықтың директоры, 2003 жылғы мектеп түлегі, акушер-гинеколог, репродуктолог Рахым Жанаргуль Серікбаевна жас түлектерге клиниканың қызметі, жұмыс істеу бағыты, жалпы репродуктолог мамандығы туралы жан-жақты мәлімет берді. Оқушылар сала мамандарының жұмыс процесімен, клиника зертханасымен танысып, қызықты әрі тың ақпараттар алып, білім, таным қоржындарын қомпайтып келді.

Ұйымдастырушы: кәсіби бағдар беру педагогі Қ.А.Исказиева