Мектебіміздің мақтаныштары — тарих пәні мұғалімі Әлмұқан Асқар Сатыбайұлы мен қазақ тілі мен әдебиеті пәні мұғалімі Имашева Динара Иманбаевна республикалық “Үздік педагог – 2025” байқауында жеңімпаз атанды!
“Үздік педагог” байқауы – ел мұғалімдерінің кәсіби шеберлігін, жаңашылдығын және білім беру ісіндегі үздік тәжірибесін айқындайтын беделді республикалық конкурс. Осы додада жеңімпаз атану – әр ұстаз үшін зор мәртебе әрі еңбектің әділ бағалануы.
Қазақстан Республикасы күні қарсаңында Астана қаласында өткен салтанатты марапаттау рәсімінде ұстаздарымызға ҚР Оқу-ағарту министрі Жұлдыз Сүлейменова “Үздік педагог” төсбелгісін табыстады. Бір мектептен екі бірдей ұстаздың аталмыш марапатқа ие болуы – бұрын-соңды болмаған тарихи оқиға! Бұл — мектеп ұстаздарының кәсіби деңгейінің биік екенін дәлелдейтін айқын жетістік.
Құрметті әріптестер! Сіздердің табыстарыңыз – бүкіл мектеп қауымының мерейі, шәкірттерге үлгі болар үлкен жеңіс.
Еңбектеріңіз жана берсін, биік белестер мен жаңа жетістіктерге жете беріңіздер!